KOMUNIKAZIOAK ETA POSTERRAK AURKEZTEKO GIDA
Gida honen helburua ApS(U)13ren programa zientifikoan ekarpena egiteko aurkezpen-formatu egokia aukeratzen laguntzea da. Formatu desberdinak giro akademiko bizia sortzeko diseinatuta daude, aurkezpen-estiloetan dauden lehentasun anitzei aukera emanez. Jarraian azaltzen diren formatu guztiek balio akademiko bera dute, nahiz eta helburu desberdinei erantzun.
Zure proposamena bidali aurretik, gomendatzen dizugu jarraibide hauek arretaz irakurtzea. Aurkezpen mota bakoitzaren deskribapenean, modalitate bakoitzaren eskakizunei, iraupenari eta ezaugarriei buruzko informazio zehatza aurkituko duzu.
ApS(U)13ren politiken arabera, pertsona bakoitzak, gehienez, bi proposamen aurkeztu ditzake. Gainera, gehienez 5 egile parte hartu ahal izango dute, eta nahitaezkoa izango da komunikazioetako egile guztiek kongresuan izena emanda egotea.
Bidalketa bikoitzak automatikoki ezabatuko dira, gure ebaluatzaileen alferrikako lana murrizteko. Beraz, ikerketa bera bi aldiz bidaltzeak, nahiz eta formatu desberdinetan izan, ez du onarpen-aukera handiagorik eskainiko.
Proposamenak euskaraz, gaztelaniaz eta ingelesez aurkez daitezke.
Proposamenak soilik plataforma ofizialaren bidez bidali beharko dira. Ez dira posta elektronikoz egindako bidalketak onartuko.
Azkenik, onartua izanez gero, zure aurkezpena kongresuko edozein egunetan programatua izan daiteke.
Bai komunikazioek bai posterrek jarraian azaltzen diren Kongresuko ildo orokorretako bati lotuta egon beharko dute:
1.- Justizia soziala

Heztea eraldatzeko: Ikaskuntza Zerbitzua (ApS) justizia sozialerako praktika gisa. ApSek herritartasun kritikoa, solidarioa eta GJHen (Garapen Jasangarrirako Helburuak) eta giza eskubideekin konprometitua nola lantzen duen hausnartzea.
GJHak horizonte etiko gisa: planetaren erronken aurrean ApSa. ApS proiektuek Garapen Jasangarrirako Helburuak modu kritikoan eta testuinguruan kokatuta nola gauzatu ditzaketen.
2.- Ahotsak eta sareak (ez soilik akademia)

Eraikitzen duten ahotsak: aniztasuna, inklusioa eta elkarrizketa ApS proiektuetan. Ikaskuntza partekatuko prozesuetan ahots desberdinak (ikasleak, komunitateak, migratzaileak, landa-eremuetakoak, etab.) integratzen dituzten esperientzien ikusgarritasuna. Gizarte-erakundeen, ikasleen eta erabiltzaileen (esperientzian adituak) testigantzak…
Sareak ehuntzen: unibertsitatearen, komunitatearen eta lurraldearen arteko aliantzak. Gizarte-erakundeekin, hezkuntza-zentroekin, udalekin eta ApS sareekin batera sorkuntza partekatuko esperientziak eta estrategiak.
3.- ApSren pedagogia

Estrategia pedagogikoak. Emozioa, gorputza eta lotura: zaintzaren pedagogiak ApSn. ApSa pedagogia emozional, afektibo eta harremanezkoa ere izan daitekeela aztertzeko espazioak.
Errealitatea barneratzea: mundua irakurri eta haren gainean jarduteko. Gure garaiko erronka sozial, ekologiko eta ekonomikoekin curriculuma lotzen duten ikuspegi pedagogikoak. ApS online.
4.- Ikerketa eta Instituzionalizazioa

ApSren ikerketa eta instituzionalizazioa goi-mailako hezkuntzan. Aurrerapenak, erronkak eta marko teorikoak, ApSa unibertsitateko ikasketa-planen egiturazko parte gisa sendotzeko.
5.- Eragina eta ebaluazio multifokala

Adierazleak eta eragina: Ikaskuntza Zerbitzuaren balioa murriztu gabe neurtzea. ApSren eragin akademikoa, pertsonala eta soziala islatzen duten adierazleak nola sortu, bizitako prozesuen konplexutasuna galdu gabe.
Garrantzitsua dena ebaluatzea: esanahiak, metodologiak eta erronkak Ikaskuntza Zerbitzuaren ebaluazioan. Ikaskuntza esanguratsuak, konpromiso soziala eta komunitate-eragina nola ebaluatu aztertzeko analisi kritikoa.
Komunikazioak eta posterra bidaltzeko, dagokion txantiloia erabili beharko da:
Komunikazioen ahozko aurkezpenak
Komunikazio-saioak 90 minutukoak izango dira. Saioa moderatzen duen pertsonak aurkeztutako komunikazio guztien edukia laburbilduko duen azalpen bat egingo du (10–15 minutu), eta ondoren ikerketa- eta eztabaida-galderak planteatuko dizkio taldeari (75 minutu).Parte-hartzaileek saioaren komunikazioetara sarbidea izango dute saioa ospatu aurretik, ekarpenak, kontsultak eta abar egin ahal izateko, eta horrela saioa ahalik eta arinen eta emankorren garatzeko.
Posterren aurkezpena
Posterren saioak 30 minutukoak izango dira, goizeko atsedenaldian eta bazkalorduan. Posterren egileek —edo gutxienez horietako batek— une horietan bertan egon beharko dute.
BIDALKETA-PROZESUA
Zure proposamena aurretik azaldu den informazioaren arabera prestatu ondoren, webguneko “Parte hartu” atalera igo ahal izango duzu.
Komunikazioa euskaraz bada: https://www.apsu13bilbo.eus/#
Gaztelaniaz bada: https://www.apsu13bilbo.es/
Ingelesez bada: https://www.apsu13bilbo.eu/
Komunikazioak bidaltzeko azken eguna: Otsailaren 7a
Atzeratuta komunikazioak bidaltzeko azken eguna: Otsailaren 15a
Komunikazioen onarpenaren azken eguna: Otsailaren 27a